విజయవాడ పశ్చిమ నియోజకవర్గంలో కూటమి అభ్యర్థుల విజయమే లక్ష్యంగా ఎంపీ కేశినేని చిన్ని విస్తృత ప్రచారం
32, 33, 55వ డివిజన్లలో కార్పొరేటర్ అభ్యర్థులతో కలిసి ఇంటింటి ప్రచారం
విజయవాడ:(పశ్చిమ నియోజకవర్గం)విజయవాడ పశ్చిమ నియోజకవర్గంలోని 32, 33, 55వ డివిజన్లలో కూటమి అభ్యర్థుల విజయమే లక్ష్యంగా విజయవాడ ఎంపీ కేశినేని శివనాథ్ (చిన్ని) విస్తృత ప్రచారం నిర్వహించారు. స్థానిక పశ్చిమ నియోజకవర్గ టీడీపీ ఇన్‌ఛార్జ్ బుద్ధ వెంకన్నతో కలిసి ఆయా డివిజన్లలో పర్యటిస్తూ కూటమి అభ్యర్థులను గెలిపించాలని ప్రజలను కోరారు.
32వ డివిజన్ కార్పొరేటర్ అభ్యర్థి సురభి శైలజ, 33వ డివిజన్ కార్పొరేటర్ అభ్యర్థి స్నేహ, 55వ డివిజన్ కార్పొరేటర్ అభ్యర్థి పెద్ది రమేష్‌తో పాటు విజయవాడ కూటమి మేయర్ అభ్యర్థి వంగవీటి రాధాకృష్ణ విజయానికి మద్దతుగా ఎంపీ కేశినేని చిన్ని ప్రచారం నిర్వహించారు. కూటమి అభ్యర్థులను భారీ మెజారిటీతో గెలిపించి విజయవాడ అభివృద్ధికి ప్రజలు సహకరించాలని విజ్ఞప్తి చేశారు.
33వ డివిజన్‌లో ఎంపీ చిన్ని, కూటమి నాయకులకు ఘన స్వాగతం
33వ డివిజన్‌లో ఎంపీ కేశినేని చిన్ని ప్రచారానికి స్థానిక ప్రజల నుంచి మంచి స్పందన లభించింది. ఈ సందర్భంగా మైనారిటీ నాయకుడు కాజా ఆధ్వర్యంలో నాయకులు, స్థానికులు ఆయనకు ఘన స్వాగతం పలికారు. ప్రజలతో మమేకమవుతూ వారి సమస్యలను అడిగి తెలుసుకున్న ఎంపీ చిన్ని, కూటమి అభ్యర్థులను గెలిపిస్తే ప్రజల సమస్యల పరిష్కారానికి ప్రాధాన్యత ఇస్తామని భరోసా ఇచ్చారు.
ప్రజలకు ఇచ్చిన హామీలను నెరవేర్చడమే కూటమి ప్రభుత్వ లక్ష్యం
ఎన్నికల సమయంలో ప్రజలకు ఇచ్చిన హామీలను కూటమి ప్రభుత్వం ఏ విధంగా నెరవేరుస్తోందో ప్రజలకు వివరిస్తూ ఎంపీ కేశినేని చిన్ని ప్రచారం కొనసాగించారు. విజయవాడ ప్రజలకు అవసరమైన మౌలిక సదుపాయాలు, స్థానిక సమస్యల పరిష్కారం, అభివృద్ధి కార్యక్రమాల అమలుకు కూటమి ప్రజాప్రతినిధులు కట్టుబడి ఉన్నారని తెలిపారు.
ప్రజల అవసరాలను గుర్తించి, వాటికి అనుగుణంగా అభివృద్ధి కార్యక్రమాలు చేపట్టేందుకు కార్పొరేటర్ అభ్యర్థులు, మేయర్ అభ్యర్థి కృషి చేస్తారని పేర్కొన్నారు. ప్రజలకు మెరుగైన మౌలిక సదుపాయాలు కల్పించడంతో పాటు, ప్రతి డివిజన్‌ను అభివృద్ధి పథంలో ముందుకు తీసుకెళ్లడమే తమ లక్ష్యమని స్పష్టం చేశారు.
మైనారిటీల సమస్యల పరిష్కారానికి కూటమి కట్టుబడి ఉంది
మైనారిటీ వర్గాల సమస్యలను పరిష్కరించేందుకు కూటమి ప్రభుత్వం, ప్రజాప్రతినిధులు ప్రత్యేక శ్రద్ధ చూపుతారని ఎంపీ చిన్ని తెలిపారు. అన్ని వర్గాల ప్రజలకు సమాన అవకాశాలు కల్పిస్తూ, వారి అవసరాలను గుర్తించి పరిష్కరించేందుకు కృషి చేస్తామని హామీ ఇచ్చారు.
విజయవాడ నగరం సర్వమత సమ్మేళనానికి, మత సామరస్యానికి ప్రతీకగా నిలుస్తోందని, అన్ని మతాలు, వర్గాల ప్రజలు సోదరభావంతో కలిసి జీవించే వాతావరణాన్ని మరింత బలోపేతం చేయాలని పేర్కొన్నారు. నగర అభివృద్ధిలో ప్రతి ఒక్కరినీ భాగస్వాములను చేస్తూ ముందుకు సాగుతామని తెలిపారు.
కూటమి అభ్యర్థుల విజయానికి మూడు పార్టీల నాయకులు సమష్టిగా కృషి చేయాలి
కూటమి అభ్యర్థుల విజయమే లక్ష్యంగా తెలుగుదేశం, జనసేన, బీజేపీ నాయకులు, కార్యకర్తలు సమన్వయంతో పనిచేయాలని ఎంపీ కేశినేని చిన్ని పిలుపునిచ్చారు. కూటమి ఐక్యతను చాటుతూ ప్రజల్లోకి వెళ్లి అభ్యర్థులకు మద్దతు కూడగట్టాలని సూచించారు.
విజయవాడ నగర అభివృద్ధిని మరింత వేగవంతం చేయడానికి, ప్రజల సమస్యలకు శాశ్వత పరిష్కారాలు చూపడానికి కూటమి అభ్యర్థులను గెలిపించాలని ప్రజలను కోరారు. ప్రజల ఆశయాలకు అనుగుణంగా పనిచేస్తూ విజయవాడను అభివృద్ధి పథంలో ముందుకు తీసుకెళ్లేందుకు కూటమి నాయకులు, కార్యకర్తలు సమష్టిగా కృషి చేయాలని ఎంపీ చిన్ని పిలుపునిచ్చారు.
