** ఏ హిందువు కూడా ఉగ్రవాది కాలేడు: అమిత్‌షా
__ది వైర్ స్టాఫ్
ఆగస్టు 1, 2025 ·
ఏ హిందువు ఉగ్రవాది కాలేడు: అమిత్ షా
పఠన సమయం: 2 నిమిషాలు
మాలేగావ్ పేలుళ్ల కేసులో కోర్టు తీర్పు వెలువడటానికి కొన్ని గంటల ముందు, కేంద్ర హోంమంత్రి అమిత్ షా రాజ్యసభలో మాట్లాడారు . “ కాషాయ ఉగ్రవాదం ” సిద్ధాంతాన్ని కాంగ్రెస్ సృష్టించిందని . ఇంకా ఏ హిందువు కూడా ఎప్పుడూ ఉగ్రవాది కాలేదని అన్నారు.
న్యూఢిల్లీ: గురువారం మాలేగావ్ పేలుళ్ల కేసులో తీర్పు వెలువడటానికి ఒక రోజు ముందు, తీవ్రవాద హిందూత్వ సంస్థ అభినవ్ భారత్ సభ్యులను అన్ని అభియోగాలు నుంచి నిర్దోషులుగా విడుదల చేశారు. రాజ్యసభలో కేంద్ర హోంమంత్రి అమిత్ షా కాంగ్రెస్ పార్టీ “కాషాయ ఉగ్రవాదం” సిద్ధాంతాన్ని సృష్టించిందని . “ఏ హిందువు కూడా ఎప్పుడూ ఉగ్రవాది కాలేదని చెప్పడానికి నేను గర్వపడుతున్నాను” అని అన్నారు.
కాంగ్రెస్ తన బుజ్జగింపు రాజకీయాల్లో భాగంగా “ కాషాయ ఉగ్రవాదం ” భావనను ప్రోత్సహించింది.
“ఓట్ల కోసం మతపరమైన రంగులు వేయడానికి వారు ప్రయత్నించారు . కానీ భారత ప్రజలు ఈ అబద్ధాన్ని తిరస్కరించారు” అని మాలెగావ్ పేలుళ్లపై తీర్పుకు ముందు గురువారం షా అన్నారు.
మాలేగావ్ కేసులో ఎన్ఐఏ కోర్టు ఇచ్చిన ముఖ్యమైన తీర్పుకు కొన్ని గంటల ముందు అమిత్ షా ఈ వ్యాఖ్య చేశారు. ఆ తీర్పులో న్యాయమూర్తి ఏకే లాహోటి, “ ఉగ్రవాదానికి మతం లేదు, ఎందుకంటే ఏ మతమూ హింసను సమర్థించదు ” అని అన్నారు.
2014లో నరేంద్ర మోడీ అధికారంలోకి వచ్చిన తర్వాత నిందితుల పట్ల “ మృదువైన వైఖరి ” అవలంబించాలని , ఎన్ఐఏ ఉన్నత స్థాయి పోలీసు అధికారి సుహాస్ వార్కే తనను కోరారని ఈ కేసు ప్రత్యేక ప్రాసిక్యూటర్ రోహిణి సాలియన్ 2015లో. ఈ కేసులో ఇప్పుడు నిర్దోషులుగా విడుదలైన కొందరు ఉన్నత స్థాయి నిందితుల్లో బీజేపీ మాజీ ఎంపీ ప్రజ్ఞా సింగ్ ఠాకూర్, లెఫ్టినెంట్ కల్నల్ ప్రసాద్ పురోహిత్ సహా ఇంకా రిటైర్డ్ సైనిక అధికారులు ఉన్నారు.
తాను అలా చేయడానికి నిరాకరించినప్పుడు, ఎటువంటి వివరణ లేకుండానే తనను కేసు నుంచి తొలగించారని సాలియన్ చెప్పారు. తన మాటల తర్వాత వార్కెను ఎన్ఐఏ నుంచి తొలగించారు. కానీ యాంటీ టెర్రరిజం స్క్వాడ్(ఏటీఎస్)లో తనను తిరిగి నియమించారు . ఇంకా ఏటీఎస్ కేసు పర్యవేక్షణ బాధ్యతలను అప్పగించారు.
అంతకుముందు, 2007 మక్కా మసీదు పేలుడు కేసులో హిందూత్వ సంస్థలకు చెందిన నిందితులనే 2018 ఏప్రిల్‌లో ఎన్ఐఏ కోర్టు నిర్దోషులుగా విడుదల చేసింది.
జూలై 29న, “కాషాయ ఉగ్రవాదం” సిద్ధాంతాన్ని దిగ్విజయ సింగ్ వంటి కాంగ్రెస్ నాయకులు ప్రోత్సహించారని, వారు 26/11 ముంబై ఉగ్రవాద దాడులకు కూడా హిందూత్వ సంస్థలను నిందించడానికి ప్రయత్నించారని షా అన్నారు. “ఇదంతా రాజకీయ ప్రయోజనాల కోసం జరిగింది. అమాయకులను జైలులో పెట్టారు, హింసించారు. వారి పరువు తీశారు. న్యాయం కోసం కాదు, ఎన్నికల ప్రయోజనాల కోసం ఒక కథనాన్ని సృష్టించడానికి” అని షా పేర్కొన్నారు.
“ఈ దేశంలో ఉగ్రవాదం వ్యాప్తి చెందడానికి ఏకైక కారణం మీ(కాంగ్రెస్) ఓటు బ్యాంకు రాజకీయాలే” అని షా అన్నారు. దశాబ్దాలుగా కొనసాగుతున్న “బుజ్జగింపు రాజకీయాల” ద్వారా కాంగ్రెస్ ఉగ్రవాదాన్ని ప్రోత్సహిస్తోందని, జాతీయ భద్రతను బలహీనపరుస్తోందని ఆయన ఆరోపించారు.
ఆ సమయంలో పీ చిదంబరం హోంమంత్రిగా ఉన్నందున అఫ్జల్ గురు మరణశిక్ష కూడా ఆలస్యం అయిందని ఆయన గుర్తుచేశారు. దీనికి విరుద్ధంగా, బీజేపీ పాలన ఉగ్రవాద వ్యాప్తిని నియంత్రించిందని, ఇస్లామిక్ సంస్థలలో యువత నియామకం పూర్తిగా ఆగిపోయిందని షా కితాబిచ్చుకున్నారు.
ఆపరేషన్ సిందూర్ గురించి షా మాట్లాడుతూ, “ఉగ్రవాదాన్ని నిర్మూలించే వరకు చర్చలు ఉండవు. వారు(పాకిస్తాన్) మోకాళ్లపై నిలబడి కాల్పుల విరమణ కోసం వేడుకున్నప్పుడే మేము చర్చలను ఆపాము” అని చెప్పుకొచ్చారు.
మంగళవారం నాడు లోక్‌సభలో ఆపరేషన్ సిందూర్‌పై ప్రసంగిస్తూ, ప్రధానమంత్రి నరేంద్ర మోడీ, కాంగ్రెస్ “హిందూ ఉగ్రవాదం” భావనను ప్రోత్సహిస్తోందని, “లష్కరే తోయిబా వంటి పాకిస్తాన్‌కు చెందిన ఉగ్రవాద సంస్థలు భారతదేశంలోని వివిధ ప్రాంతాలలో బాంబు దాడులు చేస్తున్నాయని” ఆరోపించారు.
