*ఎన్‌టీఆర్ జిల్లా, జులై 10, 2025
సీజనల్ వ్యాధుల‌పై క‌మాండ్ కంట్రోల్ రూమ్
- 9154970454 నంబ‌రుతో క‌లెక్ట‌రేట్‌లో ఏర్పాటు
- విష జ్వ‌రాలు ప్ర‌బ‌ల‌కుండా ప‌క‌డ్బందీ చ‌ర్య‌లు
- ప్ర‌భావ‌వంతంగా ఫ్రైడే – డ్రై డే కార్య‌క్ర‌మాలు
- జిల్లా క‌లెక్ట‌ర్ డా. జి.ల‌క్ష్మీశ
జిల్లాలో సీజనల్ వ్యాధులు ప్ర‌బ‌ల‌కుండా ప‌క‌డ్బందీ చ‌ర్య‌లు తీసుకుంటున్నామ‌ని.. ఇప్ప‌టికే వివిధ శాఖ‌ల అధికారుల‌కు స్ప‌ష్ట‌మైన ఆదేశాలిచ్చామ‌ని, 9154970454 నంబ‌రుతో క‌లెక్ట‌రేట్‌లో క‌మాండ్ కంట్రోల్ రూమ్ ఏర్పాటుచేసిన‌ట్లు జిల్లా క‌లెక్ట‌ర్ డా. జి.ల‌క్ష్మీశ తెలిపారు.
మ‌లేరియా, డెంగీ, డ‌యేరియా వంటి వ్యాధులు ప్ర‌బ‌ల‌కుండా పారిశుద్ధ్యం, యాంటీ లార్వాల్ ఆప‌రేష‌న్స్‌, ఫాగింగ్‌, ఓవ‌ర్‌హెడ్ ట్యాంకుల క్లీనింగ్ అండ్ క్లోరినేష‌న్, ఆసుప‌త్రుల్లో వైద్య సేవ‌లు, ఇంటింటి ఫీవ‌ర్ స‌ర్వే త‌దిత‌రాల‌పై క్షేత్ర‌స్థాయి అధికారులు, సిబ్బందిని అప్ర‌మ‌త్తం చేశామ‌ని, ముందు జాగ్ర‌త్త చ‌ర్య‌ల‌కు మార్గ‌నిర్దేశం చేసిన‌ట్లు వివ‌రించారు. సీజనల్ వ్యాధులు, విష జ్వ‌రాల నివార‌ణ, నియంత్ర‌ణ‌పై వివిధ శాఖ‌ల అధికారుల మ‌ధ్య ప‌టిష్ట సమ‌న్వ‌యం, స‌మాచార మార్పిడి, త‌క్ష‌ణ స్పంద‌నకు వీలుగా క‌లెక్ట‌రేట్‌లో ప్ర‌త్యేకంగా క‌మాండ్ కంట్రోల్ రూమ్ ఏర్పాటు చేసిన‌ట్లు తెలిపారు. కంట్రోల్ రూమ్‌కు చేరిన స‌మాచారాన్ని ఎప్ప‌టిక‌ప్పుడు క్షేత్ర‌స్థాయి ప్ర‌త్యేక బృందాల‌కు అందించి యుద్ధ‌ప్రాతిప‌దిక‌న చ‌ర్య‌లు తీసుకోనున్న‌ట్లు వెల్ల‌డించారు. ప్ర‌జ‌లతో పాటు అధికారులు, సిబ్బంది ఎవ‌రైనా సీజనల్ వ్యాధుల‌కు సంబంధించిన స‌మాచారాన్ని కంట్రోల్ రూమ్‌కు తెలియ‌జేయ‌వ‌చ్చ‌ని, స‌రైన స‌మాచారాన్ని అందించి వ్యాధుల క‌ట్ట‌డిలో భాగ‌స్వామ్యం కావాల‌ని సూచించారు. సీజనల్ వ్యాధుల‌పై ప్ర‌జ‌ల్లో అవ‌గాహ‌న క‌ల్పించేందుకు అన్ని గ్రామ, వార్డు స‌చివాల‌యాల ప‌రిధిలో ప్ర‌త్యేక ర్యాలీలు నిర్వ‌హించ‌డం జ‌రుగుతుంద‌న్నారు. ఈ నెల 11వ తేదీ శుక్ర‌వారం ఫ్రైడే – డ్రైడే కార్య‌క్ర‌మాల‌ను స‌మ‌ర్థ‌వంతంగా నిర్వ‌హించాలని అన్ని నియోజ‌క‌వ‌ర్గాల ప్ర‌త్యేక అధికారుల‌కు సూచించిన‌ట్లు క‌లెక్ట‌ర్ ల‌క్ష్మీశ తెలిపారు.
