సిఎం చంద్రబాబు అధ్యక్షతన NDA పక్షాల ఎమ్మెల్యేలు, ఎమ్మెల్సీల సమావేశం
సమావేశానికి హాజరైన డిప్యూటీ సిఎం పవన్ కళ్యాన్, మంత్రులు
*అసెంబ్లీలో చర్చించే అంశాలు, ప్రజా సమస్యలు, కూటమి ప్రభుత్వ నిర్ణయాలు, ఫలితాలు, ఎమ్మెల్యేల బాధ్యత, పనితీరు వంటి అంశాల్లో దిశా నిర్దేశం చేసి ముఖ్యమంత్రి*
సమావేశంలో సిఎం చంద్రబాబు వ్యాఖ్యలు
• ప్రజలు మనపై ఎంతో నమ్మకం పెట్టుకుని అధికారం మన చేతిలో పెట్టారు. ప్రజల ఆ నమ్మకాన్ని మనం నిలబెట్టేలా పాలన అందించాలి…నడుచుకోవాలి.
• గత ప్రభుత్వం వ్యవస్థలను పూర్తిగా నాశనం చేసింది. ఆర్థిక శాఖ పరిస్థితి అత్యంత దారుణంగా ఉంది. ఏ రాష్ట్రంలోనూ ఈ పరిస్థితి ఉండి ఉండదు.
• కనీసం అత్యవసర పనులకు కూడా నిథులు ఖర్చు చేయలేని పరిస్థితికి ఖజానాను తీసుకువెళ్లారు.
• గత ప్రభుత్వ అసమర్థ, విధ్వంస నాయకత్వం కింద అధికారులు గాడి తప్పారు, వ్యవస్థలు నిర్వీర్యం అయ్యాయి.
• మన ప్రభుత్వం ముందు అనేక సవాళ్లు, సమస్యలు ఉన్నాయి…అవన్నీ పరిష్కరించుకుంటూ సంక్షేమం, అభివృద్ది అందించాలి.
• నాడు ప్రజాస్వామ్యం అనేది లేకుండా పాలన చేశారు. పవన్ కళ్యాన్ విశాఖ వెళితే అక్కడ అడ్డుకున్నారు. అక్రమంగా నన్ను జైల్లోపెట్టిన సందర్భంలో పరామర్శకు వస్తుంటే కూడా అడ్డుకున్నారు.
• ప్రతిపక్ష నేతగా నాడు ఎక్కడికి వెళితే అక్కడ ఆటంకాలు సృష్టించారు. నేను ఎక్కడికి వెళితే అక్కడ ఆపారు. 5 ఏళ్లు జగన్ ప్రభుత్వం చేయని అరాచకం అంటూ లేదు.
• అయినా నాడు జగన్ చేసినట్లు మనం చేయకూడదు. వాళ్లు రాష్ట్రాన్ని దోచుకోవడానికి వచ్చారు. దోచుకున్నారు. వెళ్లిపోయారు. మనం రాష్ట్రాన్ని నిలబెట్టడానికి, ప్రజలకు మంచి చేయడానికి వచ్చాం.
• నాడు అత్యంత పాశవికంగా వివేకా హత్య….హత్య చేసి టీడీపీ వాళ్లపై తోసేశారు.
• వివేకా హత్యపై ఎన్ని డ్రామాలు ఆడారో మనం చూశాం.
• తప్పులు చేసి తప్పించుకోవడంలో వాళ్లు అరితేరారు. తాజాగా మదనపల్లె సబ్ కలెక్టర్ ఆఫీస్ లో ఫైళ్ల దగ్దం ఘటన అందుకు ఉదాహరణ
• మదనపల్లి సబ్ కలెక్టర్ ఆఫీసులో అసైన్డ్ భూములు, 22 ఎ భూముల వివరాలు ఉన్న ఫైల్స్ తగలబడ్డాయి. ఇది అగ్నిప్రమాదం అని చెప్పే ప్రయత్నం చేస్తున్నారు. కానీ అనేక అనుమానాలు ఉన్నాయి.
• ఉదయం విషయం తెలిసిన వెంటనే హుటాహుటీన డీజీపీని నేను అక్కడికి పంపాను. విచారణ వేగవంతం చేయాలని ఆదేశించాను.
• మదనపల్లి ఘటన చూశాక…అడ్మినిస్ట్రేషన్ ఎలా ఉంది..ఎంత పతనం అయ్యిందనేది స్పష్టం అవుతుంది.
• వ్యవస్థలు, అధికారుల్లో ఒక నిర్లిప్తత వచ్చింది. అందుకే అధికారులకు గట్టి ఆదేశాలు ఇచ్చి ఉరుకులు పెట్టించాను.
• వైసీపీ ఫేక్ ప్రచారం ఎలా చేస్తుంది అనడానికి వినుకొండ హత్య మరో ఉదాహరణ
• వినుకొండలో వ్యక్తిగత కక్షలతో జరిగిన హత్యపై జగన్ ఏకంగా రాష్ట్రపతి పాలన పెట్టాలి అంటున్నాడు.
• రాష్ట్రంలో లా అండ్ ఆర్డర్ విషయంలో చాలా గట్టిగా ఉంటాం. ఇందులో ఎవరికీ ఎటువంటి అనుమానం లేదు.
• ఏ పార్టీ వాళ్లు అయినా సరే లా అండ్ ఆర్డర్ తమ చేతుల్లోకి తీసుకుంటే మాత్రం సహించేది లేదు
• మన వైపు నుంచి ఎవరైనా చిన్న తప్పు చేసినా ఉపేక్షించేంది లేదు.
• రాష్ట్రంలో వారసత్వంగా వచ్చిన హంసను తుదముట్టించాలి. జీరో క్రైం ఉండాలి.
• నేను 53 రోజులు జైల్లో ఉన్నా…నా కెంత బాధ ఉండాలి. అయినా సరే కక్ష సాధింపు రాజకీయాలు వద్దు.
• తప్పు చేసినవారిని చట్ట ప్రకారం శిక్షిద్దాం. అంతే తప్ప రాజకీయ కక్ష సాధింపులు వద్దు
• ప్రభుత్వ ఇమేజ్ దెబ్బతినేలా ఒక్కరు కూడా వ్యవహరించవద్దు
• మూడు పార్టీల ఎమ్మెల్యేలు, నేతలు ఈ విషయంలో స్పష్టంగా ఉండాలి
• నెల రోజుల పాలనలోనే సంక్షేమ పథకాలు ప్రారంభించాం…చేసిన పనులు ప్రజలకు వివరించాలి. భవిష్యత్ లో ఏం చేస్తామో వారికి చెప్పి నమ్మకం కల్పించాలి.
• ప్రతి నెలా ఎమ్మెల్యేలు, ఎమ్మెల్సీలు, మంత్రులు పింఛన్ల పంపిణీలో పాల్గొనాలి.
• పవన్ కళ్యాన్ కోరినట్లుగా డొక్కా సీతమ్మ క్యాంటీన్ ఏర్పాటు చేస్తాం
• గత ప్రభుత్వ నిర్వాకం వల్ల రోడ్లు దారుణంగా ఉన్నాయి. పెద్ద ఎత్తున మరమ్మతులు చేయాల్సిన అవసరం ఉంది.
• ముందు పాత్ హోల్స్ పూడ్చే పని చేపట్టాల్సిన అవసరం ఉంది. దీనికి 250 నుంచి రూ.300 కోట్లు ఖర్చు అవుతుంది. కాస్త వర్షాలు తగ్గిన వెంటనే దీనిపై దృష్టిపెడదాం.
• డిల్లీ పర్యటనలో రాష్ట్ర పరిస్థితులు కేంద్రానికి వివరించాం. రాష్ట్రానికి సాయం చేసే విషయంలో వాళ్లు సానుకూలంగా ఉన్నారు.
• మూడు పార్టీల నేతలు కలిసి పనిచేయాలి. ఎవరి సెంటిమెంట్ దెబ్బతినకుండా చూడాలి.
• ఉచిత ఇసుక ఇచ్చాం….దాన్ని సక్రమంగా అమలు అయ్యేలా చూడాలి.
• మనపై ఇసుక విషయంలో చిన్న విమర్శ రాకుండా ఉండాలి. ఈ విషయంలో మళ్లీ మళ్లీ చెపుతున్నా మన పార్టీ నేతలు ఎవరు ఈ విషయంలో వేలు పెట్టినా అంగీకరించేది లేదు.
• ఉచిత ఇసుక విధానం పక్కాగా అమలు కావాలి. క్వారీల్లో ఇసుక తవ్వకం, రవాణా ఖర్చులు, సీనరేజ్ మాత్రమే వసూలు చేస్తాం. ఈ విషయంలో మూడు పార్టీల కార్యకర్తలు, నేతలు చేతులు పెట్టొద్దు.
• మనది ప్రజా ప్రభుత్వం…డాబు దర్పం అహంకారం వద్దు. సింపుల్ గా ఉందాం…ప్రజలతో కలిసి పనిచేద్దాం.
• నా కోసం ట్రాఫిక్ నిలపవద్దు అని అధికారులకు చెప్పాను. ఈ విషయంలో ట్రాఫిక్ చూసుకుని ఎప్పటికప్పుడు ఆరా తీస్తున్నాను. మంత్రులు, ఎమ్మెల్యేలు కూడా అది పాటించాలి.
• సైరన్లు, భారీ కాన్వాయ్ లు, హడావుడితో ప్రజలకు అసౌకర్యం కలగకూడదు. ప్రజలకు ఎటువంటి ఇబ్బంది కలిగించకూడదు.
• అసెంబ్లీలో క్వశ్యన్ అవర్ ను ఎమ్మెల్యేలు అంతా సద్వినియోగం చేసుకోవాలి. ఉదయం 9 నుంచి 10 వరకు ప్రశ్నోత్తరాలు జరిగేలా చూద్దాం.
• ఎమ్మెల్యేల నుంచి ప్రభుత్వానికి సూచనలు రావాలి…క్షేత్రస్థాయి పరిస్థితులు మా దృష్టికి తీసుకురండి.
• 2029 ఎన్నికల్లో గెలవాలి అనే లక్ష్యంతో నేటి నుంచే మీరు అంతా పనిచేయాలి.
• వికసిత్ భారత్ విజన్ 2047 అని ప్రధాని అన్నారు. మనం విజన్ వికసిత్ ఆంధ్ర ప్రదేశ్ అని విజన్ సిద్ధం చేస్తున్నాం.
• మీ నియోజకవర్గ అభివృద్ధికి కూడా ఒక ప్లాన్ సిద్ధం చేసుకోండి. ప్రణాళికతో పనిచేస్తే మంచి ఫలితాలు వస్తాయి.
